Prakashkranti

*माणसाच्या मुक्तीसाठी लढणारा महापुरुष- स्वामी विवेकानंद*   प्रस्थापित भारतीय समाजव्यवस्थेला हादरे देणारा आणि भारताला आधुनिक बनविण्यासाठी संघर्षरत असणारा महापुरुष म्हणून स्वामी विवेकानंदांकडे पहावे लागते. परंतु स्वामी विवेकानंदांच्या विचारांचा गाभा समजून न घेता त्यांना एका विशिष्ट धर्माशी जोडून ठेवणे हे  त्यांच्यावर अन्याय करण्यासारखेच आहे. स्वामी विवेकानंदांनी  हिंदू धर्माच्या अंगाने जरुर मांडणी केली असली तरी त्यांचा धर्मविषयक दृष्टिकोन हा निश्चितपणे पारंपरिक पद्धतीचा नव्हता. धर्माच्या पलिकडे जाऊन खर्‍या अर्थाने माणसाचा सन्मान करणारा असा विचार त्यांच्या जीवनाचा गाभा होता, असे दिसून येते. ख्रिश्चन, इस्लाम आणि बौद्ध धर्म परंपरेतील माणसाला आवश्यक असणाऱ्या गोष्टी स्वीकारून खऱ्या अर्थाने एक निखळ मानव्याचा विचार प्रस्थापित करणे, रुजवणे हेच विवेकानंदांचे ध्येय होते. त्यांनी केलेली भाषणे आणि त्यांनी मांडलेले विचार आपण सूक्ष्मपणे तपासून घेतले तर स्वामी विवेकानंद हे भारताला कशाप्रकारे बदलवू पाहत होते, हे नीटपणे लक्षात येते.त्यांचे वडील विश्वनाथ बाबू हे कोलकत्यातील एक नामांकित ...

*मिस यू एनडी सर!*         साधारणतः  बारा-तेरा वर्षापूर्वीची गोष्ट आहे .कोल्हापूर शहरामध्ये काही सनातनी विचारांच्या मंडळींनी यज्ञ करण्याचं ठरवलं. हा यज्ञ विश्वशांतीसाठी आहे असं संयोजकांकडून सांगण्यात आलं होतं. या यज्ञामध्ये शेकडो लिटर तूप, तेल आणि खाद्यपदार्थांची आहुती दिली जाणार होती. कोल्हापूर खरंतर शाहूंची नगरी आहे. शाहूंच्या विचारांची नगरी आहे. एका बाजूला सगळा महाराष्ट्र दुष्काळाने होरपळत असताना आणि इथला शेतकरी अडचणीत असताना आपण अशा प्रकारची अन्नाची नासाडी करून अवैज्ञानिक आणि अविवेकी अशा प्रकारचा यज्ञ करणं, हे काही बरोबर नाही असं कोल्हापुरातल्या काही मंडळींचं म्हणणं होतं. परंतु यज्ञाचे संयोजक इरेला पेटले होते .यज्ञ करणं हे  आमचं स्वातंत्र्य आहे, असे म्हणून त्यांनी यज्ञ करणारच अशी भूमिका घेतली होती. दुसऱ्या बाजूला जनमत मात्र यज्ञाच्या विरोधात एकवटत होतं. आणि कोल्हापुरातल्या सर्वच परिवर्तनवादी, पुरोगामी विचारांच्या संस्था संघटनांनी या यज्ञाला प्रचंड मोठा विरोध केलेला होता. शेवटी या यज्ञाच्या विरोधात मोर्चा काढण्यात ठरलं. त्या मोर्चाचे नेतृत्व करत होते...